مساء الخير ~|
موضوع حسيته جدًا مهم للبنات و اشوف كثير بنات يعانون من هالشيء 🦋
كيف اتحكم بمزانيتي 📊 ~|
قبل ما اكتب طريقتي بالتحكم بالميزانية اعرفي تمامًا ان بعد التعود و التحكم بالنفس بيصير عندك مدخول ممتاز كل اخر شهر و بتروحين للسوق و بتطلعين و انتِ ما شلتي الا اغراضك .. او ما معاك شيء 🐢
.
.
بدايةٍ لا تحرمين نفسك ولا تسرفين
بتقولون لي كيف ؟
كل شهر ..اكتبي لك لستة وش بتشترين من السوق و قبلها شوفي دولابك وش يحتاج 💡
و ابدي كل مابين فترة و فترة اشطبي الاشياء الي تحسين انك مو مستخدمتها مره ثانية
مثلا ودك بشيء سعره غالي
لكن مو مستخدمته الا مره وحده 😟
بكذا انتِ اسرفتي ..!
اشطبيه من اللستة .. و فكري انك بتوفرين لشيء احسن ✌🏽💡
..
حتى الخلطات لا تشترين اشياء مو مستخدمتها و تحطينها بالدرج لين تنتهي صلاحيتها !
اشتري لين تخلص الكمية الي عندك
و دائمًا خلي هالشيء اخر الشهر 💡👌🏼
..
فكرة ممتازة سوي لك حصالة سوا انتِ موظفة او طالبة او ماعندك مصدر دخل ثابت لكن يجيك فلوس ..
حطي مبلغ معين و كل شهر افتحي الحصالة و بتلقين كنز 📉
..
دائمًا فكري كم مره بالسوق هل بتكررين اللبس او هالشيء مره ثانية او لا
حتى المكياج لا تشترين و عندك الدرج مليان🤦🏻♀️
..
كل شهرين او ثلاثة وقفي شراء اي شيء .. و استخدمي الي عندك لين يخلص ..و اللبس لين تحسين انك بحاجة لتتجديد الصدق 👍🏻📉
..
الصدقة يا بنات تفتح لك ابواب كثيرة و بتحسين انك ما تحتاجين فلوس
اقلها صدقة بأكل الزائد للحيوانات و القطط 👌🏼💡
..
هذي طريقتي و الحمد لله سنوات كثيرة مرتاحة عليها ..
علمتها طالباتي و كل وحده تستانس اخر الشهر ان عندها مدخول اضافي 👌🏼❤
..
اتمنى انكم استفدتوا من هالنصائح البسيطة .. 🙏🏼
..
شاركي الموضوع مع شخص تحبين انه يستفيد 🙏🏼❤
..
دعواتكم لو استفدتوا و متأكدة ان عندي نصائح اكثر لكن هذا الي عندي طلع لموضوع اليوم 🦋🌸❤