_
مساء الخير ~|
.
مدري وش اسمي الموضوع لكن هو ترتيب الوقت + نصائح من واقع تجربة 👌🏼💓
.
يسموني اهلي قرينتش ليه ؟ 😂🍃لان احب الوقت و اهتم فيه بشكل غير طبيعي لدرجة اجدد جداولي بشكل اسبوعي و عندي سلسلة لاي شيء ممكن اني ابدأ فيه 💓
لان تعودت من يوم اني صغيرة على هالشيء
و هذا الشيء ساعدني كثير اني ارتب حياتي و وقتي لشغلي و لجامعتي و اشياء اخرى 💛
عموما ابعطيكم طريقتي كيف ترتبين يومك و يمكن تفيد البعض منكم هالطريقة سوا باشغال البيت او المذاكرة او العناية او الرياضة او قعده على الجوال 🌸🚶🏼♀️
.
.
اول شيء تجهيز الاشياء قبل بوقت ناخذ مثال الرياضة جهزي وجباتك اليوم قبلها بوقت رتبي يومك بساعتين رياضة على حسب لياقتك , حطي لك وقت معينة تتدربين فيها
و قيسي كلامي على العناية | جهزي ماسكاتك من الليل و حددي وش تسوين و الوقت انا مثلا عندي لوحة ملاحظات اعلق فيها اوراق الملاحظات سوا لمواعيدي او اشياء اخرى قدام وجهي بكل وقت 📌📖
.
.
لمذاكرتك حددي لك وقت تكونين فيه مروقة و لك نفس تذاكرين و ابدأي ذاكري و حطي لك ما بين فصل و فصل راحة لكن ما تمسكين فيها الجوال روحي اجلسي مع اهلك مثلا , اهم شيء ترجعين للمذاكرة فيك حيوية مو تفكيرك بشيء اخر ولا تضغطين نفسك 👍🏻🌸
.
.
حددي لك بمسكة الجوال
تشوفين فيه السناب تويتر انستقرام .. الخ
و عقبها اتركي الجوال و سوي شغله تعجبك و طوري مهاراتك فيها زي القراءة او الخياطة او الرسم لو اي شيء ممكن تطورين نفسك فيه , كل انسان له موهبة معينة اجلسي مع نفسك و دوريها و شوفي وش تحبين تسوين 👍🏻🌸
.
.
و لا انسى ترتيبك لصلاتك و قراءة القران جدًا بيساعدونك بترتيب يومك ونشاطك برضوا ودائمًا حافظي على اذكارك 🌸
.
.
حطي لك عبارات تحفيزية سوا كانت تنبية لجوالك او كان تحطينها بجدار غرفتك تساعدك انك تأدين يومك بكل ايجابية “اصنعي لك يوم سعيد”
اهم شيء ما تضيعين يومك على جوال من غير فائدة
حتى و ان كان وقتك على جوال استغليه بدخول برامج مفيدة و البحث عن معلومات جديدة 🍃💓
.
.
عودي نفسك دائمًا انك تحركين نفسك بحيوية و نشاط و حتى نفسيتك بعد ترتيب وقتك تتغير للأحسن
📖
.
.
اعيدي ترتيب غرفتك مكانك المفضل دائمًا 🌸👌🏼
بهذي الطريقة اشتغلتي نفسك بشيء مفيد + نفسيتك بتصير احسن و هذا ينعكس على علاقاتك مع الي حولك حتى ببشرتك برضوا 👍🏻🍃
.
.
هذي اهم النصائح الي خطرت على بالي حاليًا لكم
متأكدة ان الكثير يحتاجها 🌼
حسابي بالانستقرام ⏳
حسابي في السناب
مدونة اسماء () 