مساء | صباح الخير ~|
تكملة لموضوع امس ” حساب الحاجة من الاكل بالكف ” 👨🏼🌾
هذا الموضوع للي عندها هدف واضح و تبي نتائج مضمونة
فقط تحتاجين صبر و عدم كسل
.
ابدأ بموضوعي ~|
حساب الاحتياج من السعرات الحرارية للجسم
.
.
ليه نحسب الاحتياج ؟
لان الجسم اذا زاد عن حاجته بالاكل يسبب السمنة و اضرار السمنة كثير و اهمها على القلب و على وظائف الجسم ..
و ايضًا اذا قلت التغذية يسبب النحافة و فبتالي يسبب مشاكل بالعظام
و ايضًا العامل الرئيسي عملية الايض ” ابشرح هالموضوع لاحقًا ”
.
.
السعرات الحرارية : هي مقياس الطاقة الي يحتاجها الجسم من الغذاء 🙊
.
.
و لحسابها لازم تعرفين وزنك بالضبط + نشاطك ..
و كيف تطلعينه ؟
بهذي الحسبة :
الوزن x الكيلو الواحد بالباوند ٢.٢ = الوزن بالباوند lbs
مثال شخص وزنة 75
75 x 2.2 = 165 lbs
ثانيًا نضرب الوزن الي طلعناه بالباوند بمعدل النشاط عن طريق معرفة نشاطك من ١٢-١٥ :
١- معدل التمرين ٢-١ مرة بالاسبوع نضرب ب١٢
٢ – معدل التمرين ٣-٤ مرة بالاسبوع نضرب ب١٣
٣ – معدل التمرين ٥-٦مرة بالاسبوع نضرب ب١٤
٤- معدل التمرين كل يوم بالاسبوع نضرب ب ١٥
و نآخذ مثال على شخص يتمرن 6-5 بالاسبوع..
165 x 14 = 2,310
سعره حرارية
.
.
الحين طلعنا السعرة الحرارية ؟
للي تبي تثبت وزنها لا تزيد ولا تنقص هالرقم الي يطلع لها
للي تبي تزيد ، تزود ٥٠٠-٦٠٠ سعره حرارية
للي تبي تنقص وزنها تنقص منها ٥٠٠-٦٠٠ سعره حرارية
للي نشاطها خامل تختار اول نشاط تضرب ب١٢ 💡
..
و فيه حسبة اخرى
لأهم عناصر غذائية
” الكاربهيدرات – البروتين – الدهون ”
.
.
عن نفسي و الي متعبته من سنوات
معادلة ٢٠٪ للدهون – ٤٠٪ للكارب – ٤٠٪ للبروتين
تقدرين تغيرين بالكارب و البروتين اذا هدفك التضخيم او التنشيف
.
.
فكيف نجي نحسب حاجتنا لهم ؟
عندنا الكارب و البروتين نفس القيمة المعادلة فنضرب السعرات الحرارية على ٤٠ ٪ او ٠.٤
استنادًا على المثال ~|
2,310 x 0.4 = 924 cals
و الدهون نضربها ب ٢٠٪ او ٠.٢
2,310 x 0.2 = 462 cals
.
.
الحين حنا لو بغينا نحسبها بالاكل لازم نحول الكالوري للجرام
اعرفي ان الكارب و البروتين = ٤ سعره
و الدهون = ٩ سعره
و نقسم ناتج الكالوري ب السعرات الجرام
و يصير
924* 4 = 231 g
462 * 9 = 51 g
و بس 🙊
طويل الشرح لكن سهل التطبيق
ما بقى الا تطلعينه من الاكل ..
يتبع الصفحة الاخرى هنا